"Everton" klubi bosh murabbiyi Rafayel Benitez Xames Rodrigez holati haqida fikr bildirib o‘tdi. U dushanba kuni bo‘lib o‘tadigan "Byornli"ga qarshi o‘yin oldidan shunday deydi:

"U (Rodrigez) biz bilan mashg‘ulotlar o‘tamoqda. Biz u bilan kelajagi haqida gaplashib oldik. Unga bir nechta klublar qiziqmoqda. U shu yerda va jamoadoshlari bilan. Bahslarga tayyor bo‘lish uchun Xames maydonga tushishi kerak, davomiy o‘ynashi lozim. Hozir esa u boshqalar soyasida qolib ketmoqda. O‘yinchilar biz nima xohlayotganimizni tushunishi kerak. Biz har bir o‘yin uchun eng yaxshilarni tanlab olamiz. Bunda Xamesdan yangi jamoa va uslubga ko‘nikishi talab etiladi".