"Ливерпуль" клуби "Лидс" футболчиси Патрик Бемфордни ортидан қувишда давом этади. Мерсисайдликлар ёзги трансферлар ойнасида инглиз ҳужумчисини сотиб олмоқчи эди.
Аммо футболчи "Эллан Род"да қолишни афзал кўрди. "Express" нашри хабарига кўра, Юрген Клопп ўз жамоаси ҳужуми учун Бемфорд вариантини энг яхши сифатида кўрган. 28 ёшли футболчи эртага "Ливерпуль"га қарши ўйнайди.
Бу эса Клоппга қандай футболчини истаётганини яна бир бор кўриб олишига ёрдам беради. Бемфорд "Ноттингем" клуби тарбияланувчиси ҳисобланади. У ўтган мавсумда Марсело Бьелса қўл-остида 17 та гол уришга эришган.
