Лондоннинг "Челси" клуби ёзда ўз сафини "Наполи"нинг уругвайлик ҳужумчиси Эдинсон Кавани билан тўлдирмоқчи. Бу ҳақда Goal.com нашри хабар бермоқда.
Маълумотларга қараганда, "Наполи" Кавани учун 40 миллион фунт стерлинг ундириш ниятида. "Челси" эса ёзда Фернандо Торрес ҳамда Дидье Дрогба билан хайрлашиш ниятида.
Лондонликлар Фернандо Торреснинг таҳминий трансфер нархини 20 миллион фунтга баҳолашмоқда. Дрогба эса текинга кетади. Сабаби унинг шартномаси ёзда ўз ниҳоясига етади ва у эркин агент сифатида жамоани тарк этиши мумкин.
"Челси"дан ташқари англиянинг бошқа бир гранди, "Манчестер Сити" ҳам Каванига кўз тиқмоқда. "Сити" раҳбарияти ёзда ўз жамоаларига янги ҳужумчи сотиб олишларини аллақачон маълум қилишган.
