«Ман Сити» устози Хосеп Гвардиола АПЛ 4-тури доирасидаги «Лестер»га қарши сафар учрашувидан сўнг (1:0) португалиялик яримҳимоячи Бернарду Силванинг ўйини ҳақида фикр билдирди.

Англия чемпионлари кетма-кет учинчи ўйинда ғалаба қозонишга муваффақ бўлди ва бу сафар «шаҳарликлар» таркибида ғалаба тўпини португалиялик яримҳимоячи Бернарду киритди.

"Фавқулодда вазият биздан фавқулодда қарорлар қабул қилишни талаб қилади. Унга тайёр туриш керак. Бу фақат Бернарду Силва хусусидаги сифат эмас.

У ажойиб рейдларни амалга оширди ва умумий маҳоратини намойиш этди.

Силва илгари ҳам икки жангда ўзини зўр кўрсатган эди, энди у яна яхши учрашув ўтказмоқда. Унинг Грилиш ва Канселу билан муносабатлари ажойиб бўлди», - дея Гвардиоланинг сўзларини келтиради Transfermarketweb.