"Боруссия" яримҳимоячиси Юд Беллингҳэм "Байер"га қарши ўйинда Эрлинг Ҳоланднинг 3-голидан кейин қизиқарли ҳолатга тушиб қолди. Футболчилар голни нишонлаш учун майдон четига югуришди, шундан кейин майдон эгаларининг мухлисларидан бири пиво тўлдирилган пластик стаканни футболчиларга қарата улоқтирди. Беллингҳэм уни маҳорат билан илиб олди ва ундан ичди. Юд кейинчалик ичаётганини англаб, дарҳол ичимликни тупуриб ташлади ва стаканни улоқтириб юборди.

Ўйиндан сўнг, Беллингҳэм Твиттерда вазият ҳақида ҳазил қилди:
"Биринчи пиво учун ажойиб кун", - дея изоҳ беради.

Эслатиб ўтамиз, "Боруссия" меҳмонда "Байер" ни 4:3 ҳисобида мағлуб этди. Беллингҳэмнинг ўзи ҳам баҳсда гол урди, лекин ВАР унинг голини бекор қилди.