Манчестерда “Сити” мухлислари кўпаймоқда.
“Манчестер Юнайтед” клуби вакили Рио Фердинанд бирорта ўйинда ютқазиб қўйишса ёки қандайдир турнирдан чиқиб кетишса, фарзандларини мактабга олиб боришга қийналишини айтиб ўтди.
“Клубимиз мағлубиятга учраганда фарзандларимни мактабга олиб борганимда синфдошлари ва мактабдаги ўқувчилар мени мазах қилишга тушишади. Баъзи ўқувчилар жуда бешафқат. Аяб ўтиришмайди” дейди жиғибийрон бўлган футболчи.
Рионинг айтишича, “Манчестер Сити” чемпионлик учун курашаётгани боис Манчестерда бу клуб мухлислари жуда кўпайган. “Олдинлари унақа эмасди. Қараб туришсин, шу қилганларига чемпион бўлиб, барининг овозини ўчирамиз” дейди у.
