Испания Ла Лигасининг 4-туридан ўрин олган бир қатор учрашувлар 12 сентябрь, якшанба куни бўлиб ўтди.

«Реал» ўз уйида «Сельта»ни қабул қилди. Аввалига меҳмонлар Санти Минанинг тезкор голи эвазига олдинга ўтиб олди. 24-дақиқада Карим Бензема вазиятни тенглаштирган бўлса, орадан кўп ўтмайди виголиклар иккинчи голни урди.

Иккинчи бўлим дебютида Бензема яна ҳисобни тенглаштирди. 54-дақиқада Каримнинг узатмасидан кейин Винисиус Жуниор Мадрид клубининг учинчи голини урди. 72-дақиқада Эдуардо Камавинга ўзининг дебют ўйинида «Реал» сафидаги илк голини урди. Учрашув якунланиши арафасида Бензема пенальтини аниқ ижро этиб, якуний ҳисобни ўрнатди — 5:2.

4-турдан кейин «Реал», «Валенсия» ва «Атлетико» 10 очко билан мусобақада етакчилик қилмоқда.

Ла лига, 4-тур
12 сентябрь, якшанба
«Реал Мадрид» — «Сельта» 5:2
Голлар: 0:1 – 4 Санти Мина, 1:1 – 24 Бензема, 1:2 – 31 Серви, 2:2 – 46 Бензема, 3:2 – 54 Винисиус, 4:2 – 72 Камавинга, 5:2 – 87, пенальти Бензема.
«Реал Мадрид»: Куртуа, Карвахаль, Начо, Милитао, Мигел Гутеррес (Марсело, 89), Вальверде, Модрич (Асенсио, 79), Каземиро, Бензема, Азар (Камавинга, 66), Винисиус Жуниор (Родриго, 89).
«Сельта»: Дитуро, Мало, Араухо, Мурильо (Айду, 89), Галан, Денис Суарес, Тапия (Бельтран, 46), Мендес (Солари, 52), Серви (Нолито, 63), Аспас, Санти Мина (Гальярдо, 63).
Огоҳлантиришлар: Начо (32), Мурильо (43), Винисиус Жуниор (55), Араухо (63), Солари (63).