"Ливерпуль" сенегаллик ҳужумчиси Садио Мане билан шартномани 2025 йилгача узайтирмоқчи. Бу ҳақда журналист Николо Скира ўз твиттеридаги саҳифаси хабар беради.
29 ёшли футболчининг клуб билан амалдаги шартномаси 2023 йилнинг ёзигача мўлжалланган. Трансфермаркт портали футболчини 85 миллион еврога баҳоламоқда.
Мане "Ливерпуль"га 2016 йилда кўчиб ўтган. Илгари у Англиянинг "Саутгемптон", Австриянинг "Залцбург" ва Франциянинг "Метц" жамоаларида ўйнаган.
"Ливерпуль" таркибида футболчи Чемпионлар лигаси ғолиби, Англия чемпиони, УЕФА Суперкубоги соҳиби ва клублар ўртасидаги жаҳон чемпионати ғолиби бўлди.