"Liverpul" senegallik hujumchisi Sadio Mane bilan shartnomani 2025 yilgacha uzaytirmoqchi. Bu haqda jurnalist Nikolo Skira o‘z tvitteridagi sahifasi xabar beradi.
29 yoshli futbolchining klub bilan amaldagi shartnomasi 2023 yilning yozigacha mo‘ljallangan. Transfermarkt portali futbolchini 85 million yevroga baholamoqda.
Mane "Liverpul"ga 2016 yilda ko‘chib o‘tgan. Ilgari u Angliyaning "Sautgempton", Avstriyaning "Zalsburg" va Fransiyaning "Mets" jamoalarida o‘ynagan.
"Liverpul" tarkibida futbolchi Chempionlar ligasi g‘olibi, Angliya chempioni, UYEFA Superkubogi sohibi va klublar o‘rtasidagi jahon chempionati g‘olibi bo‘ldi.