"Эвертон" футболчиси Хамес Родригез ёзги трансферлар ойнасида жамоани тарк этмоқчи эди. У эски ва Европадаги жонажон клуби "Пору"га кетмоқчи бўлган.

Ҳозир эса колумбияликнинг режалари бутунлай ўзгарди. У эндиликда, жамоа устози Рафа Бенитез ишончига киришга ҳаракат қилиб кўради.

30 ёшли плеймейкер ўзининг энг яхши спорт формасига чиқишга саъй қилиши керак. Дарҳақиқат, Хамесга ҳозирда "Эвертон"дагидек йилига 6 миллион фунтлик маошни ҳеч бир клуб беришни истамаслиги аниқ. Агар келгуси уч ойда футболчи асосий таркибга киришга улгурмаса, у ҳолда клуб уни сотиб юбориши айтилган.

Ёзда Хамесга бир қатор клублар, хусусан "Севилья", "Милан" ҳамда "Атлетико" қизиқиш билдирган, аммо унинг юқори маоши жамоалар учун оғирлик қилиши маълум бўлганди.