"Лидс" футболчиси Паскал Стрёйк "Ливерпуль"га қарши ўйинда қўпол ҳаракати учун қизил билан жазоланган эди. У Ҳарви Эллиотдан қилмиши учун узр сўради ва унга соғлиқ тилади.
У ўйиндан кейин Instagram саҳифасида шундай дейди: "Бугунги ўйинда мен ҳеч қачон истамайдиган воқеа содир бўлди. Ҳарви Эллиот мен сендан узр сўрайман. Мен бундай бўлишини истамас эдим. Ҳозир эса сенга соғлиқ тилайман. Умид қиламанки, сен тез орада майдонга қайтасан".
Аввалроқ 18 ёшли Ҳарви Эллиот тўпиқ қисмида суяк синиши кузатилгани ҳамда тез орада жарроҳлик столига ётқизилиши ҳақида хабар қилинган эди.
