«Барселона» бош мураббийи Рональд Куман клубдаги вазият ҳақида гапирди.
Унинг раҳбарият билан муносабатлари мукаммал эмас, лекин имкон қадар яхшиланмоқда. Куманнинг фикрича, айнан унинг раҳбарлигида «Барса»нинг келажаги бор.
«Лапорта билан муносабатларимиз яхшиланди. Бироқ, ўтган ҳафта ёқимсиз лаҳзага бой бўлди. У клубда мураббийнинг имкониятлари чекланган деган фикрини билдирди.
Лапорта жуда кўп гапиради. Менимча, бу ерда иложи борича очиқ бўлиш керак. Агар клуб мураббийга муҳтожлигини тушунмаса, кўп тахминлар пайдо бўла бошлайди. Албатта, мураббийларга бундай ҳолатлар ёқмайди.
Мен «Барселона» билан ишлашни давом эттиришга тайёрман. Бу ерда ҳамма факторлар менга мос. Менинг раҳбарлигимда «Барселона»нинг келажаги бор", - дейди Куман.
