Букмекерлар меҳмонларнинг ғалабасига ҳаддан зиёд ишоишган бўлсалар-да, “Реал”, Моуриньони яхши биладиган кўпгина мутахаcсислар испанларнинг барчасини бугун ҳал қилишга ҳаракат қилишларига ишонмаётгандилар. Россия қишида катта куч сарфламасдан, имкон қадар ўзлари учун қулай ҳисоб, масалан, дурангни қайд этиб кетишлари ҳам кутилган ҳолат эди. Бу ҳақида Моуриньонинг ўзи ҳам кеча таъкидлаган – голли дурангга рози эди.

Роналдунинг голидан кейин ҳам, олдин ҳам ўйинни ўз назоратига олган “Реал” худди икки йил олдинги “Интер” каби минимал ҳисобда ғалаба қозонаётганди. Лекин энг сўнгги дақиқада меҳмонлар бироз консентрацияни йўқотишди. Стандарт вазиятдан сўнг жарима майдонида тўп усчун курашган Вернблум яиқн масофадан дарвозани аниқ нишонга олди – 1:1.

Иккинчи ўйин олдидан ҳам фаворит ўзгармаган бўлса-да, русларнинг сўнгги дақиқада ўйинни қутқариб қолишлари мухлисларда илиқ таассурот қолдирган бўлса ажаб эмас.

Европа чемпионлар Лигаси. Нимчорак финал. Биринчи учрашув

ЦСКА (Москва) – РЕАЛ (Мадрид) 1:1 (0:1)
Голлар: Вернблум (90) – Роналду (28)
ЦСКА: Чепчугов, А.Березуцкий, Игнашевич, В.Березуцкий, Щенников, Вернблум, Алдонин (Хонда, 68), Дзагоев, Тошич (Нецид (6), 82), Муса (Секу, 64), Думбия.
РЕАЛ: Касильяс, Арбелоа, Рамос, Пепе, Коэнтрау, Алонсо, Хедира, Ўзил (Альбиоль, 85), Кальехон (Кака, 75), Бензема (Игуаин, 16), Роналду.
Огоҳлантиришлар: Алонсо (46), Вернблум (67), Рамос (72), Коэнтрау (82).