«Насаф» Суперлиганинг 18-турида Навоийнинг «Қизилқум» жамоасини қабул қилади. «Насаф» – «Қизилқум» учрашуви 16-сентябрь куни Қарши шаҳридаги «Марказий» стадионда бўлиб ўтади. Беллашув соат 19:00 да бошланади.
Жамолар турнир жадвалида ҳам бир-бирилари билан ёнма-ён кетишмоқда. «Aждарлар» 27 очко жамғарган ҳолда турнир жадвалининг 5 поғонасини банд этиб туришган бўлса, навоийликлар 1 очко фарқи билан 6 ўринни эгаллаб туришибди.
Ўзаро учрашувлар тарихидан
Мазкур жамоалар Ўзбекистон чемпионатида шу вақтга қадар 45 бор куч синашишган. Бўлиб ўтган 27 учрашувда вакилларимиз, 7 ўйинда эса навоийликлар зафар қучишган. 11 учрашувда эса дуранг натижа қайд этилган.
Тўплар нисбати 84:46 га тенг. Устунлик «аждарлар» томонида.
Ўзаро учрашувларда қайд этилган энг юқори ҳисоблар қуйидагича: «Насаф» – «Қизилқум» 7:1, «Қизилқум» – «Насаф» 3:1.
Жамоалар сўнгги ўзаро учрашувни 2021 йили 10 апрел куни Навоийда ўтказган. «Aждарлар» меҳмонда 1:2 ҳисобида ғалаба қозонишган.
Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:
10.04.2021. Қизилқум – Насаф - 1:2
10.09.2020. Насаф – Қизилқум - 4:0
01.03.2020. Қизилқум — Насаф - 1:3
14.09.2019. Қизилқум — Насаф - 0:0
10.05.2019. Насаф — Қизилқум - 1:1
15 сентябр U-21 биринчилиги доирасида иккала жамоанинг ёшлари ҳам куч синашишади. Учрашув соат 17:00 “Меҳнатчи” стадионида бўлиб ўтади.
