Футбол афсонаси Пеленинг қизи Келли Насименто отасининг аҳволи ҳақида маълумот берди.

Эслатиб ўтамиз, 80 ёшли бразилиялик бир неча кун олдин организмидаги ўсмани олиб ташлаш бўйича операция қилинган эди.

"Қизғин қўллаб-қувватлаш учун барчангизга чин дилдан миннатдорчилик билдираман. Операциядан сўнг у ўзини яхши ҳис қилмоқда. Унда оғриқлар йўқ, кайфияти яхши (фақат бир хил овқат ейиш жонига теккан). 1-2 кундан кейин интенсив терапия бўлимидан оддий палатага ўтказилади. Шундан сўнг уйга жавоб беришади.

У кучли ва дадил. Шифокорларнинг ажойиб меҳнати ҳамда дунёдаги инсонларнинг меҳри туфайли у барчасини енгиб ўтади", - дея ёзди Келли инстаграм орқали.