Бугун узоқ кутилган Европа Чемпионлар лигаси қайтади. Шунчаки эмас, бир қатор оловли баҳслар ила. Келинг, бугун яқин соатлар ичида бошланиши кутилаётган энг қизиқарли уч баҳсга тўхталиб ўтамиз.
"Барселона" - "Бавария"
"Барселона" бугун "Бавария"ни ўз майдонида қабул қилади. Каталонияликлар таркибда бир қатор йўқотишлар билан ушбу баҳсга етиб келди. Шунингдек, ўйин тарафлама ҳам клуб ҳали шаклланиб улгурмаган. Молиявий муаммоларни гапирмаса ҳам бўлади. "Кўк-анорранглилар" бу қадар кўп муаммолар қаршисида бўлса ҳам, уларда ғалаба менталитети ва ёш умидли футболчилар мавжуд. Уларнинг рақибида эса ҳаммаси жойида десам адашмаган бўламан. Флик ёзда клубни тарк этди, аммо унинг ўрнини Нагельсманн эгаллади. У янги жамоа қуриши шарт эмас. Шунчаки, ўз шогирдларига йўл-йўриқ кўрсатиб, тўғри қарорлар чиқариб турса бас. Бу йигитларнинг ўзлари ҳаммасини амаллашади. Очиғи, бугун Мюнхен клубининг ғалаба қозониш имконияти "кўк-анорранглилар"никига қараганда анча баланд. Аммо майдонда бунинг акси бўлиши мумкин ёки йўқ. 
"Вильярреал" -"Аталанта"
Бу ерда жамоаларнинг номи эмас, ўзаро тенглик биринчи планга чиқмоқда. "Вильярреал" ўтган мавсум "Манчестер Юнайтед"ни мағлуб этиб, Европа лигаси ғолиби бўлди ва бу мавсум ҳам "сариқ сув ости кемаси" муваффақиятли ўйинларини давом эттиришмоқда. Уларнинг рақиби "Аталанта" ҳужумкорлик жиҳатдан Европанинг гранд клубларидан қолишмайди ва аксар гигантлардан ҳам кўпроқ гол уришни уддалаб келмоқда. Бу мавсумни улар ҳозирча яхши бошлай олмади. Майли, бунинг аҳамияти йўқ. Барибир ЕЧЛга ҳар қандай клуб ўзгача ёндашади. Мен мазкур учрашувнинг голларга бой ўтишини кутмоқдаман. Катта эҳтимол ҳам шундай бўлса керак.
"Челси" - "Зенит"
"Челси" амалдаги Чемпионлар лигаси ғолиби ҳисобланади. Чиндан ҳам, Тухель қўл остида бу клуб янги босқичга чиқа олди. Сўнгги йилларда клуб қувноқ футбол кўрсатаётган эди. Ҳозир бу жиҳат сақланиб қолган ва қўшимча тарзда тартибли футбол ҳам уларнинг ДНКсига кириб келди. "Аристократлар" АПЛда яхши старт олди. Менимча, бу клуб катта совринлар учун бемалол кураша олади. Хўш, рақиб клубга тўхталиб ўтамиз. "Зенит" ҳам титтуллар учун курашишга қодир, аммо фақатгина РПЛ ёки Россия кубогида. Европада улар ўртамиёна ва хатто ундан ҳам пас даражадаги клублардан бири саналади. Агар, бугун улар рақибларини мағлуб этса, буни сенсация деб атасак бўлади. Бунинг акси содир бўлган тақдирда, ҳеч ким улардан ҳафа бўлмайди.
Бугун кимдир ўзи мухлислик қиладиган клуби ўйинини томоша қилар ва яна кимдир кўнгли тусаган ўйинни кузатар. Нима бўлишидан қатьи назар Чемпионлар лигаси қайтди. Хуллас, мухлислар ўртасида қийин танлов турибди. Айрим қийинчиликларда ўзига яраша гашт бўлади. Ҳозир шундай ҳолатда турибмиз...
