ФИФА бугун дунё терма жамоаларининг янги рейтингини эълон қилди.

Ўзбекистон терма жамоаси сентябрь ойида Швецияга қарши ўртоқлик учрашувини ўтказиб, мағлуб бўлганди. Бунинг натижасида жамоамиз 2,15 балл йўқотди ва жадвалда бир поғона пастга тушди. Айни пайтда 84-ўринни эгаллаб турибмиз.

Осиё минтақасида эса 12-поғонани банд этганмиз. Биздан юқори поғоналарни Эрон (22-ўрин), Япония (26), Австралия (32), Жанубий Корея (36), Қатар (43), Саудия Арабистони (56), Бирлашган Араб Амирликлари (69), Ироқ (72), Хитой (75), Уммон (78), Сурия (81) терма жамоалари эгаллаб турибди.

Умумий рейтингни эса ҳамон Бельгия терма жамоаси эгаллаб турибди. Иккинчи поғонани Бразилия банд этган бўлса, Англия бир қатор кўтарилиб кучли учликка кирди. Франция 4-ўринга тушган бўлса, Италия бешинчи поғонага жойлашган.

ФИФА рейтинги, сентябрь
1. Бельгия — 1832 балл
2. Бразилия  — 1811
3. Англия — 1755
4. Франция — 1754
5. Италия — 1735
6. Аргентина — 1725
7. Португалия — 1674
8. Испания — 1673
9. Мексика — 1666
10. Дания — 1658
....
22. Эрон — 1538
26. Япония  —1520
32. Австралия  — 1493
36. Жанубий Корея  — 1479
43. Қатар  — 1446
56. Саудия Арабистони  — 1406
69. Бирлашган Араб Амирликлари  — 1358
72. Ироқ  — 1349
75. Хитой  — 1335
78. Уммон  — 1312
81. Сурия  — 1297
84. Ўзбекистон — 1282