Бугун тунда ЕЧЛ 1/8 финалидан ўрин олган сўнгги икки учрашув бўлиб ўтади. Сайтимиз ушбу баҳсларга оид кичик превьюни эътиборингизга ҳавола этади.
«Марсель» - «Интер»
"Марсель"- Француз клубининг ички чемпионатдаги мавқелари рақиблариникига қараганда бир мунча яхшироқ. Шундай бўлсада, жамоа мухлислари "Марсель"нинг ҳозирда кўрсатаётган ўйинидан қониқиш ҳосил қилмаяптилар. Жамо бош мураббийи Дидье Дешам эса оптимистик кайфиятда. У ўз шогирдларининг ўйинидан ҳавотир олмаётганини ва бу қарама-қаршиликда ўз жамоасининг имкониятини юқори баҳолаяпти.
Дастлабки ўйинда деярли барча кўзга кўринган букмекерлик идоралари айнан майдон "Марсель"нинг имкониятини юқори баҳолашмоқда. Бунга бир қатор сабаблар бор.
Аввало ака укалар, Андре Аюв ҳамда Жордан Аювнинг Африка Миллатлар Кубоги баҳсларидан қайтиб келишгани жамоа ўйинини кучайтиришлари табиий. Улар бугун дастлабки дақиқаларданоқ майдонда туширилишлари эъҳтимоли кўп. Агар Брандао ўзини яхши ҳис қилса ака-укаларнинг кичиги бугун заҳирада қолиши мумкин.
Йўқотиш - Жамонинг асосий ҳужумчиси Лоик Реми чемпионатнинг аввалги турида олган жароҳати сабабли, бугунги ўйинни ўтказиб юборадиган бўлди. Бу французларнинг ягона ва жиддий йўқотиши бўлиб турибди. Жамоа сардори Алиу Диарра ҳам ўткаг турда жароҳат олганди. Аммо унинг бугун майдонга тушиш эъҳтимоли жуда юқори. Сабаби, майдон марказида у жамоанинг энг ишонган футболчиларидан бири бўлиб турибди. Ҳужум чизиғида эса Анжре Аюв ҳамда Брандао тандеми бугун "Интер" ҳимоячилари ва дарвозабони учун асосий ҳавф бўлиши мумкин.
"Интер"- Италияликлар бош мураббийи Клаудио Раньери учун бу сўнгги синов бўлиши кутилмоқда. "А" серияси баҳслаидаги кетма-кет мағлубиятлар жамоа кайфиятига қай даражада таъсир ўтказгани бугун тунда маълум бўлади. Кўпчилик мутахассислар эса "Интер"нинг сўнгги ўйинлардаги мағлубиятини айнан ЧЛ баҳсларига тайёргарчилик кўришгани билан изоҳлашмоқда. Раньери "Скудетто" учун курашдан чиқиб кетиб бўлди, энди бор эътиборини фақат ЕЧЛ баҳсларига қаратади деганлар бисёр. Аммо жамоадаги муаммолар, сўнгги ўйинлардаги мағлубиятлар, бу жамоага оптимистик назар билан қаршга тўсқинлик қилаяпти.
Сўнгги 3 та урашувни "Интер" умумий 0:8 ҳисобида бой берган. Жамоа бир ойдан ошиқрорқ вақт давомида ғалаба нималигини билмаяпти.
Вальтер Самуэль бугун жароҳатидан қутилиб, сафга қайтиши кутилмоқда. Раньери ўзининг сўнгги интервьюларидан бирида унга сўнгги ойлар давомида муваффақият келтирган 4-4-2 схемасига қайтиши мумкинлиигини айтган эди. Агар шундай бўладиган бўлса, бугун Снейдерни майдонда кўрмаслигимиз ҳам мумкин. Сабаби, бу тактик схемада унинг ортиқча эканлигини Раньери кўп бора таъкидлаяпти. Бу эса "Интер" учун яхшими ёки ёмонми, бугунги ўйин кўрсатади. Нима бўлган тақдирда ҳам голландиялик ярим ҳимоячи, сўнгги ўйинларда "Интер" ўйинига бироз завқ олиб кираётган эди...
Шунингдек бугун сўнгги иккита ўйинни жароҳати туфайли ўтказиб юборган Диего Милитонинг сафга қайтиши маълум бўлиб улгурди.
Умуман олганда, "Интер"нинг заҳира ўриндиғи "Марсель"никига қараганда бироз кенгроқ ва тажрибалироқ. Бу дегани Раньери ҳар қандай таркибни, ҳар қандай схемаларни бугун синаб кўриши мумкин дегани.
Таҳминий таркиблар (Stadion версияси)
"Марсель" - Манданда - Аспиликуэта, Диавара, Нкулу, Морель - Диарра, Шейру - Амалфитано, Вальбуэна, А Аюв - Брандао
"Интер"- Ж.Сезар - Майкон, Лусио, Самуэль, Наготомо - Дзанетти, Станкович, Камбьяссо, Альварес , Снейдер - Милито
Жароҳат олганлар: Реми, Мбиа, Жиньяк (Сўроқ остида) - Форлан, Самуэль (сўроқ остида)
Дисквалификация қилинганлар: Йўқ.
Котирвокалар: Марсель 1.95 - Интер 3.40
«Базель» - «Бавария»
«Базель» - Швейцария чемпиони, шундоқ ҳам бошдан баланд сакради. "Базель" гуруҳ баҳсларида "МЮ"ни ортда қолдира олганлиги исбот. Эътиборлиси улар "МЮ"га икки сафар ҳам мағлуб бўлишмади. Иштаҳа овқат пайтида келади деганларидек, уларнинг ниятлари жиддий. Уларнинг бугунги рақибларининг номидан асло чўчишмаяпти.
"Бавария" билан осон бўлмаслиги аниқ. Шундай бўлсада, "Базель" мухлислари ўз жамоаларига ишонишмоқда. Аҳир уларни бугун кимсан, "Бавария"ни беш қўлдек биладиган Хайо Фогель бошқармоқда. Бу мутахассис турли йиллард Мюнхен суперклубининг турли ёшдаги жамоаларини бошқариб келган. Филип Лам, Швайншатйгер, Тони Кроос каби футболчиларнинг илк мураббий ҳам айнан Фогель ҳисобланади.
"Бавария" да бироз таркиб билан боғлиқ муаммолар юзага келди. Швайнштайгер бугун жароҳати туфайли майдонда ўз жамоасига ёрдам бера олмайди. Шунингдек Даниель ван Буйтеннинг ҳам йўқлиги марказий ҳимоя учун бош оғриқ бўлиши мумкин. Майдон марказида Луис Густаво-Кроос тандемини кўришимиз мумкин бўлади. Шунингдек Арьен Роббен ҳам бугун асосий таркибда майдонга тушиши кутилмоқда.
Нима бўлган тақдирда ҳам "Бавария" бу жуфтликнинг сўзсиз фаворити бўлиб қолади. Мюнхенликларнинг Бундеслиганинг сўнгги учрашувлардаги очко йўқотишлари тасодиф дея баҳолашингиз мумкин. Жамоа ўз кучини керакли равишда тақсимлай оладиган, рақиб мақомига қараб ўйнай оладиган жамоа.
"Базель"нинг иштиёқи Мюнхенликларнинг тажриба ва маҳоратига қанчалик қаршилик кўрсата олади?! Бугун тунда билиб оламиз.
Таҳминий таркиблар: (Stadion версияси)
«Базель»: Зоммер - Штайнхофер, Абрахам, Драгович, Парк - Шачири, Хуггель, Г.Джака, Ф.Фрай - А.Фрай, Штреллер
«Бавария»: Нойер - Рафинья, Боатенг, Бадштубер, Лам - Луис Густаво, Кроос - Роббен, Мюллер, Рибери - Гомес
Жароҳат олганлар: Чипперфилд, Деген - Швайнштайгер, Контенто, ван Бюйтен, Брено
Котировкалар: «Базаль» 5,70 - «Бавария» 1,54
