Туркияда ўқув-машғулот йиғинларини олиб бораётган Андижоннинг “Андижон” клуби кеча Украинанинг «Шахтёр» клуби ёшлари — 19 ёшгача бўлган футболчиларига қарши майдонга тушиб имкониятни бой бериб қўйди.

Учрашувнинг дастлабки дақиқаларидан олдинга ташланган ёш "шахтёрчилар" дастлабки 20 дақиқа ичида иккита гол киритишга муввафақ бўлишди.

Аввалига учрашувнинг 12-дақиқасида Олиейник ҳисобни очган бўлса, орадан олти дақиқа ўтиб Тотовицкий иккинчи гол киритди. Бу ҳисоб ўйин сўнггига қадар ўзгармай қолди ва "кончилар"нинг ёш таркиби 2:0 ҳисобида ғалаба қозонди.

Назорат учрашуви.

АНДИЖОН – ШАХТЁР (U-19) – 0:2 (0:2)
Голлар: Олейник (12), Тотовицкий (18).

АНДИЖОН: Александр Петухов, Александр Половков, Даврон Турсунов, Азиз Қаюмов, Икром Ибрагимов, Азамат Исаев, Адхам Нормухаммедов, Иброхим Отахонов, Санжар Тўракулов, Александр Лактионов, Акмал Жўрабоев.

Захирадан майдонга тушганлар: Дилмурод Мамаюсупов, Илдар Маматказин, Рустам Аъзамов, Бахром Абдурахимов, Константин Якубовский.