Мюнхеннинг «Бавария» клуби бош мураббийи Юпп Хайнкес Европа Чемпионлар Лигасининг 1/8финалида «Базель»га имкониятни бой бергач (0:1) ўз фикрлари билан ўртоқлашди.

«Вазиятни қийин дейиш мумкин. Бироқ бу мураббийлик фаолиятимда биринчи марта содир бўлаётгани йўқ. Учрашув тенг курашлар остида ўтди. Рақиб эса биргина хатодан унумли фойдаланди. Меҳмонда 0:1 ҳисобида ютқазиш жуда ёмон натижа. Буни яхши ҳис қилиб турибман. Биз агрессив футбол намойиш этишимиз керак эди».

«Биз жуда кўплаб хатоларга йўл қўйдик. Бунинг оқибатида жазоландик. Бироқ жавоб учрашувида 2:0 ҳисобида ғалаба қозонсак ҳаммаси изига тушиб кетади ва буни уддалай олишимизга ишонаман».

«Умуман оладиган бўлсак, бугун жамоага ортиқча эътироз билдирмоқчи эмасман», – дея мураббийнинг сўзларидан иқтибос келтирмоқда УЕФА расмий сайти.