«Манчестер Сити» бош мураббийи Пеп Гвардиола АПЛ доирасида «Саутгемптон»га қарши ўйиндан сўнг (0:0) фикр билдирди.
«Бизда ҳимоядан чиқиш билан боғлиқ муаммолар юзага келди. Натижада ҳамма нарса биз ўйлаганчалик тус олмади.
Биз одатдагидан кўпроқ тўп йўқотдик. Қолаверса, ҳужумкор футболчилар билан етарлича алоқа бўлмади.
Ҳа, бизда имкониятлар бор эди, лекин дуранг - адолатли натижа. Ғалаба қозонишга ҳаракат қилдик, аммо натижаси бўлмади.
ВАР қарорларига келсак, мен бирорта ҳам шубҳали вазиятни кўрмадим. Агар ВАРни кўргандан кейин пенальти бўлмаса, демакки, пенальти йўқ эди», - дейди Гвардиола.
