"Манчестер Сити" клуби футболчиси Фернандиньо узоқ муддатли сукунатдан сўнг, Роналду трансфери ҳақида фикр билдирди. У клуб "Юве"дан португалияликни олиб келишга яқин келганини таъкидлади.
Жамоа сардори бу ҳақда шундай дейди: "Ўйлайманки, Кришни олиб келиш учун бизда жуда яхши имкон бор эди. Хатто унинг агенти ҳам шу ерда, клуб қароргоҳида бўлган. Биз эса бир қанча футболчиларни шартномаларини узайтириш билан банд бўлиб қолдик. Роналдунинг клубимизга келмагани кўплаб мухлисларни ва клуб ичидагиларни ҳам хафа қилди, уларга таъсир ўтказди. Охирида у биз билан битим тузмади ва шаҳримизнинг қизил томонига йўл олди. Нима ҳам дердим, ҳаёт давом этади".
Эслатиб ўтамиз, "шаҳарликлар" ҳафта ўртасида Англия лига кубоги доирасида "Уикомб Вондерерс"ни қабул қилади.
