"Тоттенхэм" бош мураббийи Нуно "Челси"га учралган мағлубиятдан кейин ўз фикрлари билан ўртоқлашди. У "BBC Sport"га шундай дейди:
"Бу ерда мағлубиятга кўплаб омилларни келтириш мумкин. Биринчи бўлим яхши ўтди. Биз унда тенгма-тенг ўйин кўрсатдик. Иккинчи таймдаги жарима зарбаси ва бу гол ўйинни ўзгартирди. Ҳамма нарса рақибга ўтиб кетди. Улар ўйинни назорат қилди. Мураккаб ўйинда мағлуб бўлдик. Жамоада айрим муаммолар бор. Бизга ишонч етишмади".
"Шпорлар" иккита ўйиндан буён ўз дарвозасидан 3 тадан жами 6 та гол ўтказди. Аммо ҳали гол ура олгани йўқ. Улар кейинги турни сафарда "Арсенал"га қарши ўтказади.
