«Лион» президенти Жан-Мишель Оляс 1-лиганинг 6-тур учрашувида «ПСЖ» ҳужумчиси Неймарга берилган пенальти ҳақида фикр билдирди.
"Мен футболчиларим билан уларнинг кўрсатган ўйинидан фахрланаман. Биз улар учун ноқулай рақиб бўлишга муваффақ бўлдик. Дарвозамизга жарима зарбаси бериш - бемаънилик эди. VAR аралашиши керак эди. Бу нотўғри қарор",- дея Оляснинг сўзларини келтиради Get French Football News.
Учрашув парижликларнинг ғалабаси билан якунланди - 2:1.
"ПСЖ" 1-лиганинг 6 туридан кейин 18 очко тўплаб, турнир жадвалида 1-ўринни эгаллаб турибди. "Лион" 8 очко билан ва 10-ўринда.