Италия А Сериясининг 5-туридан ўрин олган учрашувда «Рома» 23 сентябрь, пайшанба куни «Удинезе» билан баҳс юритди.

«Рома» мезбонлигида ўтган баҳс тақдирини ягона гол ҳал қилиб берди. Учрашув давомида жамоаларда кўплаб вазиятлар бўлишига қарамай Тэмми Абраҳамнинг 36-дақиқада урган голи ягоналигича сақланиб қолди. Гол бўлган вазиятда англиялик ҳужумчи қанотдан оширилган тўпни яқин масофадан дарвозага жойлаб қўйди.

Учрашувда ўзбекистонлик ҳужумчи Элдор Шомуродов 86-дақиқада гол муаллифи Тэмми Абраҳамнинг ўрнига майдонга тушди.

Ушбу ғалабадан кейин «Рома»нинг очколари 12 тага етди, жамоа 4-ўринни эгаллаб турибди. Ҳисобида 7 очко бўлган «Удинезе» 10-ўринни банд қилган.

А серия, 5-тур
23 сентябрь, пайшанба
«Рома» – «Удинезе» 1:0
Гол: 1:0 – 36 Абраҳам.
«Рома» – Руй Патрисиу, Карсдорп, Манчини, Рожер, Калафёри (Смоллинг, 69), Заниоло (аш-Шаарави, 74), Пеллегрини, Мхитарян, Кристанте, Верету, Абраҳам (Шомуродов, 86).
«Удинезе» – Сильвестри, Родриго Бекао, Нюйтинк (Самаржич, 79), Самир, Молина (Соппи, 62), Перейра, Уолас, Макенго (Арслан, 85), Удожи (Ларсен, 79), Деулофеу, Пуссетто (Бету, 62).
Огоҳлантиришлар: Уолас (32), Пеллегрини (56), Кристанте (65), Калафёри (66).
Четлатиш: Пеллегрини (89).