Italiya A Seriyasining 5-turidan o‘rin olgan uchrashuvda «Roma» 23 sentyabr, payshanba kuni «Udineze» bilan bahs yuritdi.

«Roma» mezbonligida o‘tgan bahs taqdirini yagona gol hal qilib berdi. Uchrashuv davomida jamoalarda ko‘plab vaziyatlar bo‘lishiga qaramay Temmi Abrahamning 36-daqiqada urgan goli yagonaligicha saqlanib qoldi. Gol bo‘lgan vaziyatda angliyalik hujumchi qanotdan oshirilgan to‘pni yaqin masofadan darvozaga joylab qo‘ydi.

Uchrashuvda o‘zbekistonlik hujumchi Eldor Shomurodov 86-daqiqada gol muallifi Temmi Abrahamning o‘rniga maydonga tushdi.

Ushbu g‘alabadan keyin «Roma»ning ochkolari 12 taga yetdi, jamoa 4-o‘rinni egallab turibdi. Hisobida 7 ochko bo‘lgan «Udineze» 10-o‘rinni band qilgan.

A seriya, 5-tur
23 sentyabr, payshanba
«Roma» – «Udineze» 1:0
Gol: 1:0 – 36 Abraham.
«Roma» – Ruy Patrisiu, Karsdorp, Manchini, Rojer, Kalafyori (Smolling, 69), Zaniolo (ash-SHaaravi, 74), Pellegrini, Mxitaryan, Kristante, Veretu, Abraham (Shomurodov, 86).
«Udineze» – Silvestri, Rodrigo Bekao, Nyuytink (Samarjich, 79), Samir, Molina (Soppi, 62), Pereyra, Uolas, Makengo (Arslan, 85), Udoji (Larsen, 79), Deulofeu, Pussetto (Betu, 62).
Ogohlantirishlar: Uolas (32), Pellegrini (56), Kristante (65), Kalafyori (66).
Chetlatish: Pellegrini (89).