«Барселона» бош мураббийи Рональд Куман айни дам барча ижтимоий тармоқларнинг бош мавзуси бўлиб турибди.

Marca хабарига кўра, Каталония клуби раҳбарияти нидерландиялик мутахассисга вазиятни тўғирлаш учун учта ўйин берган.

Агар «кўк-анорранглилар» кўрсатадиган натижалар ФИФА кунларигача яхшиланмаса, голландиялик мутахассис катта эҳтимол истеъфога чиқарилади.

«Барса»нинг яқин муддатдаги рақиблари - «Леванте» (26 сентябрь), «Бенфика» (29 сентябрь) ва «Атлетико» (3 октябрь) каби жамоалар билан бўлиб ўтади.

Маълумот учун, Куман жамоани 2020 йилнинг ёзидан буён бошқариб келмоқда. Унинг клуб билан шартномаси жорий мавсум якунига қадар мўлжалланган.