Франциялик футболчи Самир Насри футболчилик фаолиятини якунлаганини эълон қилди. Бу ҳақда L'Équipe хабар берди.

Унга кўра, «Манчестер Сити», «Арсенал», «Марсель», «Андерлехт» ва бошқа жамоаларида тўп сурган ярим ҳимоячи 34 ёшида футбол яшил майдон билан хайрлашди.

Насри фаолиятини якунлашига асосий сабаблардан бири сифатида допинг истеъмоли туфайли 18 ойга футболдан адолатсиз четлатилганини айтиб, футболга бўлган муносабати ўзгарганини таъкидлади.

Самир фаолияти давомида икки марта Англия чемпионлигини қўлга киритган, бир мартадан Англия лига кубоги ва Англия суперкубоги ғолибига айланган.