«Милан» бош мураббийи Стефано Пиоли Чемпионлар лигаси гуруҳ босқичининг 2-туридан ўрин олган «Атлетико» билан бўладиган учрашув ҳақида фикр билдирди.

«Жамоамиз айни дам тажриба орттирмоқда. Бизда ёш футболчилар кўп. Бу бизнинг катта афзаллигимиз ҳисобланади.

«Атлетико» жуда кучли жамоа. У ерда зўр мураббий ишлайди, жамоада юқори даражали футболчилар бор.

Улар ҳар қандай вақтда самарали ҳужум уюштириши мумкин. Биз бутун ўйин давомида диққатимизни бир ерга жамлашимиз керак.

Оддий, тез ва аниқ ўйнаш талаб этилади. Испания чемпионатида «Реал» ва «Барселона»ни ортда қолдирган жамоага қарши ўйнашимизни унутмаслигимиз керак.