"Барселона" бош мураббийи Рональд Куман клубнинг иқтидорли ҳужумчиси Ансумане Фатининг октябрь ойидаги ўйинлар учун Испания терма жамоасига чақирилиши мумкинлиги ҳақида фикр билдирди.
"Мен Испания терма жамоасининг мураббийи эмасман, шунинг учун бу ҳақида ҳеч нарса билмайман. Фатининг олдида узоқ мавсум бор. У "Леванте" билан 15 дақиқа ажойиб ўйнади ва мавсумдаги биринчи голини урди. Айтишим мумкин бўлган ягона нарса, у ҳали тўлиқ ўйин ўтказишга тайёр эмас.
Эслатиб ўтамиз, 18 ёшли футболчи жиддий жароҳати туфайли бир йилга яқин муддатни майдон ташқарисида ўтказиб юборди. 26 сентябрь куни Ла Лигада "Леванте"га қарши ўйинида (3:0) заҳирадан майдонга тушди ва қайтишини гол билан нишонлади.
