«Манчестер Юнайтед» яримҳимоячиси Бруну Фернандеш жамоадоши Рафаэль Варан ҳақида гапирди. Эслатиб ўтамиз, ҳимоячи ёзда «Реал»дан 40 миллион евро эвазига кўчиб ўтганди.

«Варан - ҳақиқий ғолиб ва етакчи. У кўп меҳнат қилади ва атрофдагиларнинг яхши прогресс қилишига ёрдам бера олади. У ғолиблик менталитетига эга ва кўп нарсага эришиб бўлган.

Рафа жамоага эндигина қўшилди ва бу биз учун жуда муҳим. Албатта, у жуда камтарин, лекин майдонда қўрқинчли бўлади. Менимча, ҳаммаси олдинда», - дейди Фернандеш.

Варан 2011 йилдан 2021 йилгача «Реал» футболчиси бўлган. Мадрид клуби таркибида у тўрт марта Чемпионлар лигаси ғолиби бўлди.

Бу мавсумда у Премьер-лигада 4 та ўйин ўтказиб, 1 та голли узатмани амалга оширди.