«Manchester Yunayted» yarimhimoyachisi Brunu Fernandesh jamoadoshi Rafael Varan haqida gapirdi. Eslatib o‘tamiz, himoyachi yozda «Real»dan 40 million yevro evaziga ko‘chib o‘tgandi.
«Varan - haqiqiy g‘olib va yetakchi. U ko‘p mehnat qiladi va atrofdagilarning yaxshi progress qilishiga yordam bera oladi. U g‘oliblik mentalitetiga ega va ko‘p narsaga erishib bo‘lgan.
Rafa jamoaga endigina qo‘shildi va bu biz uchun juda muhim. Albatta, u juda kamtarin, lekin maydonda qo‘rqinchli bo‘ladi. Menimcha, hammasi oldinda», - deydi Fernandesh.
Varan 2011 yildan 2021 yilgacha «Real» futbolchisi bo‘lgan. Madrid klubi tarkibida u to‘rt marta Chempionlar ligasi g‘olibi bo‘ldi.
Bu mavsumda u Premyer-ligada 4 ta o‘yin o‘tkazib, 1 ta golli uzatmani amalga oshirdi.
