«Милан» ярим ҳимоячиси Франк Кессье фаолиятини Англияда давом эттириши мумкин, деб хабар беради 90min.
Манбага кўра, «Ливерпуль» ва «Манчестер Юнайтед» 24 ёшли ивуарлик футболчини ўз сафларига қўшиб олмоқчи. Хабар қилинишича, манкунианликлар ярим ҳимоячини Поль Погба, агар у жамоани тарк этса, унинг ўрнини босувчи сифатида кўриб чиқмоқда.
Ўтган мавсумда Кессье 50 та ўйинда майдонга тушиб, 14 гол ва 6 голли узатмани амалга оширди. Трансфермаркт портали футболчининг қийматини 55 миллион еврога баҳоламоқда.
