Европа чемпионлар лигаси гуруҳ босқичи 2-тури доирасида «Милан» ўз майдонида «Атлетико»ни қабул қилди.

Баҳснинг 20-дақиқасида мезбонлар Рафаэл Леаунинг голи эвазига ҳисобни очишди. Орадан 9 дақиқа ўтиб эса ўйин тақдирига таъсир кўрсатган воқеа юз берди. Бош ҳакам Жунайт Чақир "Милан" ҳужумчиси Франк Кессиега иккинчи сариқ карточка кўрсатиб, майдондан четлатди.

«Атлетико» эса ўз голларини ўйин сўнгида урди. 84-дақиқада Гризманн ҳисобни тенглаштирди. Қўшиб берилган дақиқаларда эса ҳакам VAR ёрдамида "россонери" дарвозаси томон пенальти белгилади. Уни Луис Суарес аниқ амалга ошириб, жамоасига ғалаба келтирди.

Европа чемпионлар лигаси, "B" гуруҳи, 2-тур
Милан Италия – Атлетико Испания 1:2 (1:0, 0:2)
Голлар: 1:0 – 20 Рафаэл Леау, 1:1 – 84 Гризманн, 1:2 – 90+7, пенальти Суарес.
Милан – Меньян, Калабрия, Романьоли, Томори, Эрнандес, Кессиэ, Беннасер (Флоренци, 81), Салемакерс (Калулу, 82), Ребич (Тонали, 34), Рафаэл Леау (Жиру, 57), Браим Диас (Балло-Туре, 57).
Атлетико – Облак, Триппьер (Жоау Феликс, 40), Фелипе, Хименес, Эрмосо (Лоди, 46), Льоренте, Карраско (де Пауль, 46), Коке (Гризманн, 61), Кондогбиа (Лемар, 64), Суарес, Корреа.
Огоҳлантиришлар: Кессиэ (15), Ребич (29), Кондогбиа (60), Эрнандес (69), Салемакерс (79), Меньян (90).
Четлатиш: Кессиэ (29).