Yevropa chempionlar ligasi guruh bosqichi 2-turi doirasida «Milan» o‘z maydonida «Atletiko»ni qabul qildi.

Bahsning 20-daqiqasida mezbonlar Rafael Leauning goli evaziga hisobni ochishdi. Oradan 9 daqiqa o‘tib esa o‘yin taqdiriga ta’sir ko‘rsatgan voqea yuz berdi. Bosh hakam Junayt Chaqir "Milan" hujumchisi Frank Kessiyega ikkinchi sariq kartochka ko‘rsatib, maydondan chetlatdi.

«Atletiko» esa o‘z gollarini o‘yin so‘ngida urdi. 84-daqiqada Grizmann hisobni tenglashtirdi. Qo‘shib berilgan daqiqalarda esa hakam VAR yordamida "rossoneri" darvozasi tomon penalti belgiladi. Uni Luis Suares aniq amalga oshirib, jamoasiga g‘alaba keltirdi.

Yevropa chempionlar ligasi, "B" guruhi, 2-tur
Milan Italiya – Atletiko Ispaniya 1:2 (1:0, 0:2)
Gollar: 1:0 – 20 Rafael Leau, 1:1 – 84 Grizmann, 1:2 – 90+7, penalti Suares.
Milan – Menyan, Kalabriya, Romanyoli, Tomori, Ernandes, Kessie, Bennaser (Florensi, 81), Salemakers (Kalulu, 82), Rebich (Tonali, 34), Rafael Leau (Jiru, 57), Braim Dias (Ballo-Ture, 57).
Atletiko – Oblak, Trippyer (Joau Feliks, 40), Felipe, Ximenes, Ermoso (Lodi, 46), Lyorente, Karrasko (de Paul, 46), Koke (Grizmann, 61), Kondogbia (Lemar, 64), Suares, Korrea.
Ogohlantirishlar: Kessie (15), Rebich (29), Kondogbia (60), Ernandes (69), Salemakers (79), Menyan (90).
Chetlatish: Kessie (29).