Бугун Япония миллий терма жамоаси "Нагаи" стадионида Исландия терма жамоаси билан ўртоқлик учрашувини ўтказди. Унда Осиё чемпиони европаликларни 3:1 ҳисобида мағлуб этишди.

2000 йили Осиёнинг энг яхши ёш футболчиси деб топилган Пёчи Маэда 2-дақиқадаёқ ҳисобни очишга муваффақ бўлди. Иккинчи бўлим бошида Макино ҳисобни 2:0га етказган бўлса, 79-дақиқасида эса Фудзимото жамоасининг учинчи голини киритди. Ўйинга қўшиб берилган 3-дақиқада исландияликлар пенальтидан битта жавоб тўпини киритишди. Бу ўйин Исландия терма жамоасининг янги бош мураббийи Ларс Лагербак учун дебют ўйин бўлди.

"Бу терма жамоамизнинг 2012 йилдаги илк ўйини бўлди. Йилни ғалаба билан бошлашни истагандик. Ўйинчиларим жисмоний жиҳатдан учрашувга юз фоиз тайёр бўлмасаларда, яхши ўйин кўрсатишди. Умид қиламан, биз бу ўйинимизни сақлаб оламиз", деди ўйиндан кейин Альберто Заккерони.

Эслатиб ўтамиз, Япония терма жамоаси 29 февраль куни ЖЧ-2014 3-босқичининг сўнгги тури доирасида Ўзбекистон билан куч синашади.

Ўртоқлик учрашуви
24 февраль, жума

ЯПОНИЯ – ИСЛАНДИЯ 3:1 (1:0)
Голлар: Риочи Маэда (2), Жунго Фужимото (53), Томоаки Макино (79) — Арнор Смарасон (90+3-пен.).

ЯПОНИЯ: Шунсаку Нишикава, Юичи Комано (Масахико Иноха, 64), Ясуюки Конно (Риота Мориваки, 82), Юзо Курихара (Наоя Кондо, 76), Томоаки Макино, Ясухито Эндо, Чикаши Масуда, Йосуке Кашиваги (Кенго Накамура, 46), Риочи Маэда, Йошито Окубо (Жуня Танака, 46), Жунго Фужимото (Наохиро Ишикава, 64).