«Челси» устози Томас Тухель Чемпионлар Лигаси 2-туридан ўрин олган «Ювентус»га қарши ўйиндан олдин ўз фикрлари билан бўлишди.

Совринни қўлга киритган клуб муваффақиятсиз кўриниши мушкул. Ўтган мавсум биз фаворитлар қаторида эмасдик, лекин ҳар ўйин кучайиб бордик ва ишончимиз ортди. Мусобақада кейинроқ ҳақиқий даъвогар бўлиб кўриндик ва бу баъзида ёрдам бериши мумкин.

Эндиликда бизни фаворит деб аташ осон. Тажрибага эгамиз ва бу бизга қарши ўйнашганда юқорироқ баҳо беришига сабаб бўла олади. Бизга қарши ўйнаш каттароқ мотивация беради ва буни қабул қилишимиз лозим.

Ҳеч қандай сир йўқ. Биз аутсайдер ролида бўлишимиз ёки соврин учун даъвогар бўлишимиз мумкин. Фаворитмиз деб ўйламайман, аммо нималарга қодир эканлигимизни ҳаммага кўрсатдик.

Бундай кутилмалардан ўзимизни озод қилишимиз жуда муҳим ва бундай кутишлар бизнинг кутилмаларимиз бўлмайди. Вазиятга реал қарашимиз керак. Катта стандартларни талаб қиламиз ва буни яхшироқ бажарамиз.

«Челси» ярим ҳимоячиси, Италия терма жамоаси билан Евро-2020 мусобақасида ғолиб бўлган Жоржиньо «Ювентус»га қарши ўйин олдидан ташкил этилган матбуот анжуманида ўз фикрлари билан бўлишди.

Албатта, тактик жиҳатдан улар жуда ҳам кучли. Улар жарима майдонлари ичида қандай ҳимояланишни билишади, жуда тартибли жамоа. «Ювентус» катта клуб ва бу ҳолат узоқ йиллардан бери давом этиб келмоқда. Уларни тезлик, қувват эвазига бузмоқчимиз ва бу қийин бўлишини ҳам биламиз. Уларни ҳурмат қилган ҳолда шуни айтаман, биз у ерга фақат ғалаба қозониш учун боряпмиз.