«Chelsi» ustozi Tomas Tuxel Chempionlar Ligasi 2-turidan o‘rin olgan «Yuventus»ga qarshi o‘yindan oldin o‘z fikrlari bilan bo‘lishdi.

Sovrinni qo‘lga kiritgan klub muvaffaqiyatsiz ko‘rinishi mushkul. O‘tgan mavsum biz favoritlar qatorida emasdik, lekin har o‘yin kuchayib bordik va ishonchimiz ortdi. Musobaqada keyinroq haqiqiy da’vogar bo‘lib ko‘rindik va bu ba’zida yordam berishi mumkin.

Endilikda bizni favorit deb atash oson. Tajribaga egamiz va bu bizga qarshi o‘ynashganda yuqoriroq baho berishiga sabab bo‘la oladi. Bizga qarshi o‘ynash kattaroq motivasiya beradi va buni qabul qilishimiz lozim.

Hech qanday sir yo‘q. Biz autsayder rolida bo‘lishimiz yoki sovrin uchun da’vogar bo‘lishimiz mumkin. Favoritmiz deb o‘ylamayman, ammo nimalarga qodir ekanligimizni hammaga ko‘rsatdik.

Bunday kutilmalardan o‘zimizni ozod qilishimiz juda muhim va bunday kutishlar bizning kutilmalarimiz bo‘lmaydi. Vaziyatga real qarashimiz kerak. Katta standartlarni talab qilamiz va buni yaxshiroq bajaramiz.

«Chelsi» yarim himoyachisi, Italiya terma jamoasi bilan Yevro-2020 musobaqasida g‘olib bo‘lgan Jorjinyo «Yuventus»ga qarshi o‘yin oldidan tashkil etilgan matbuot anjumanida o‘z fikrlari bilan bo‘lishdi.

Albatta, taktik jihatdan ular juda ham kuchli. Ular jarima maydonlari ichida qanday himoyalanishni bilishadi, juda tartibli jamoa. «Yuventus» katta klub va bu holat uzoq yillardan beri davom etib kelmoqda. Ularni tezlik, quvvat evaziga buzmoqchimiz va bu qiyin bo‘lishini ham bilamiz. Ularni hurmat qilgan holda shuni aytaman, biz u yerga faqat g‘alaba qozonish uchun boryapmiz.