Россия чемпиони, Санкт-Петербургнинг "Зенит" клуби ниҳоят Андрей Аршавин билан боғлиқ масалага нуқта қўйди. Россия терма жамоаси сардори мавсум сўнгигача ижара асосида "Зенит" сафида тўп сурадиган бўлди. Бу ҳақда клуб расмий сайти малум қилди.
Томонлар Россияда трансфер ойнаси ёпилишига бир неча дақиқа қолганда келишувга эришишди. Аршавиннинг ижараси "Зенит"га текинга тушди, аммо футболчига тўланадиган маошни айнан питерликлар тўлайдиган бўлишди.
Шундай қилиб, "Арсенал" ҳужумчиси ёзгача собиқ жамоаси шарафини ҳимоя қиладиган бўлди. "Зенит"да Аршавин 29-рақамда тўп суриши маълум бўлди.
