«Атлетико» ҳужумчиси Луис Суарес Хави «Барселона»ни бошқариши мумкинлиги ҳақидаги миш-мишларга изоҳ берди.
«Менимча, ҳозир Хави учун «Барселона»ни бошқаришнинг оптимал вақти эмас. У футболчи сифатида «Барселона» учун кўп иш қилди, лекин ҳозир у ерда ишлаш жуда қийин.
У тўғри вақтни кутиши керак. Хави ажойиб футболчи эди ва бу ерда мураббий ҳам бўлиши мумкин. Бироқ клубда айни дам катта аланга авж олган», - дея Суареснинг сўзларини келтиради Mundo Deportivo нашри.
Эслатиб ўтамиз, «Барселона»нинг ҳозирги бош мураббийи Рональд Куман жамоани тарк этишга яқин турибди. Бу лавозимга асосий номзодлар орасида Хави ва Роберто Мартинес номлари бор.
