«Atletiko» hujumchisi Luis Suares Xavi «Barselona»ni boshqarishi mumkinligi haqidagi mish-mishlarga izoh berdi.

«Menimcha, hozir Xavi uchun «Barselona»ni boshqarishning optimal vaqti emas. U futbolchi sifatida «Barselona» uchun ko‘p ish qildi, lekin hozir u yerda ishlash juda qiyin.

U to‘g‘ri vaqtni kutishi kerak. Xavi ajoyib futbolchi edi va bu yerda murabbiy ham bo‘lishi mumkin. Biroq klubda ayni dam katta alanga avj olgan», - deya Suaresning so‘zlarini keltiradi Mundo Deportivo nashri.

Eslatib o‘tamiz, «Barselona»ning hozirgi bosh murabbiyi Ronald Kuman jamoani tark etishga yaqin turibdi. Bu lavozimga asosiy nomzodlar orasida Xavi va Roberto Martines nomlari bor.