«Ливерпуль» вингери Садио Мане жамоани тарк этиши мумкин.

Todofichajesнинг сўзларига кўра, 29 ёшли сенегаллик футболчининг хизматларига Лондоннинг «Арсенал» ва «Тоттенхэм» жамоалари қизиқиш билдирмоқда. Ушбу кутилмаган таклиф Садионинг ўзини ҳам ҳайрон қолдирди.

Эслатиб ўтамиз, футболчининг клуб билан шартномаси 2023 йилнинг ёзигача амал қилади ва «Ливерпуль» у билан келишувни узайтириш борасида ҳали бир тўхтамга кела олмаган.

Маненинг трансфер нархи 85 миллион еврога баҳоланмоқда. У жорий мавсум 8 та ўйинда 4 та гол уришга муваффақ бўлди.