«Liverpul» vingeri Sadio Mane jamoani tark etishi mumkin.

Todofichajesning so‘zlariga ko‘ra, 29 yoshli senegallik futbolchining xizmatlariga Londonning «Arsenal» va «Tottenxem» jamoalari qiziqish bildirmoqda. Ushbu kutilmagan taklif Sadioning o‘zini ham hayron qoldirdi.

Eslatib o‘tamiz, futbolchining klub bilan shartnomasi 2023 yilning yozigacha amal qiladi va «Liverpul» u bilan kelishuvni uzaytirish borasida hali bir to‘xtamga kela olmagan.

Manening transfer narxi 85 million yevroga baholanmoqda. U joriy mavsum 8 ta o‘yinda 4 ta gol urishga muvaffaq bo‘ldi.