Ҳуқуқлари «Интер»га тегишли бўлган хорватиялик ярим ҳимоячи Марсело Брозович Англия Премьер-лигасига йўл олиши мумкин. Бу ҳақда La Gazetta dello Sport журналистлари хабар бермоқда.
Манбага кўра, футболчининг хизматларига Лондоннинг «Тоттенхэм» ва «Ливерпуль» клублари қизиқиш билдирмоқда. Брозовичнинг «нерадзурри» билан тузган меҳнат шартномаси келаси йилнинг ёзида тугайди, томонлар ҳали ҳам ҳамкорликни узайтириш борасида келиша олишмаган.
Италия чемпионатининг жорий мавсумида 28 ёшли ярим ҳимоячи олтита ўйин ўтказди ва голли узатма муаллифига айланди.
