Хабарингиз бор, "Бухоро" ўртоқлик ўйинида "Ворскла" (Полтава, Украина) жамоасидан йирик ҳисобда мағлубиятга учраганди — 1:8. 

Ужбу ўйинда 6 та тўп киритган полтаваликлар ҳужумчиси Аҳмад Янузий  Украина сайтларидан бирига интервью берди. Интервьюда қуйидагича сўзлар бор:

- Ўзбек клуби футболчилари сизлардан камроқ гол уришларини сўраганлари ростми?

- (Кулади). Ҳа, бунақасини умримда биринчи марта кўришим. Улар биздан аяшимизни илтимос қилишди. Аммо биз майдонда бекор туриб қолмаслигимиз керак эди, ўйин олдидан ўзаро бор кучимизни сарфлашимизни келишиб олгандик. Ўртоқлик ўйинида ҳам ҳамма расмий ўйиндагидек ҳаракат қилишди. Биз сариқ ва қизил карточкалардан узоқроқ бўлишга, ўйиннинг барча қоидаларига риоя қилишга ҳаракат қиляпмиз. Назорат ўйинлардаги ортиқча ҳаракатлар учун ҳам мураббийимиз жарима солади.