"Арсенал" ҳамда Франция терма жамоаси афсонаси Терри Анри собиқ мураббийи Арсен Венгерни танқид қилди. Футболчига ҳозирда ФИФАда фаолият юритаётган Венгернинг Жаҳон чемпионатларини ҳар икки йилда ўтказиш ғояси ёқмаган. У бу ҳақда шундай дейди:

"Сиз ФИФАни ҳозирги футболчилардан бу ҳақда бирор нарса сўраган деб ўйлайсизми? Менинг ўзим тўртта Жаҳон чемпионати ҳамда учта Еврода қатнашганман. Бунда мен ақлий жиҳатдан футболчиларга осон бўлмаслигини биламан. Бу ўйин жиҳатдан эмас, балки ўйин ичида бўлган инсондан келиб чиқиб бериладиган хулоса. Жаҳон чемпионатига тайёргарлик силлиқ кечмайди. Агар сиз икки йилда Жаҳон чемпионатини ўтказилишини истасангиз бу нарса футболчи руҳияти учун жуда мураккаб бўлади".

Шу билан бир пайтда ФИФА 2026 йилдан бошлаб Жаҳон чемпионатларини ҳар икки йилда ўтказиш таклифини кўриб чиқмоқда. Бу таклиф эса Анрининг собиқ мураббийи Венгер томонидан таклиф этилган.