«Ливерпуль» бош мураббийи Юрген Клопп коронавирусга қарши оммавий эмлашни фаол қўллаб-қувватламоқда. Немис мутахассиси одамларнинг вакцинацияга ишончсизлигидан хавотирда.
«Биз футболчиларнинг катта қисмини эмладик. Мен уларнинг ҳеч бирини ишонтиришим ёки нима учун бундай қилиш кераклигини тушунтиришим шарт эмас.
Менимча, эмлашдан бош тортиш маст ҳолда машинани ҳайдаш билан баробардир. Қонунлар мени эмас, ҳамма одамларни ҳимоя қилиш учун яратилган.
Спиртли ичимликлар ёмон, лекин биз уни ичишда давом этамиз. Шу билан бирга, биз вакцина танага зарар етказиши мумкинлигига ишоняпмиз, бироқ мутахассислар бунинг аксини айтишмоқда. Ёлғонларга ўзимизни ишонтиришни тўхтатишимиз керак»,- дея Клоппнинг сўзларини келтиради Goal.