БААнинг Дубай шаҳрида янги мавсумга тайёргарлик олиб бораётган Тошкентнинг "Бунёдкор" клуби навбатдаги назорат учрашувида Саудия Арабистонининг "Ал-Иттиҳод" жамоаси билан учрашиб 1:1 ҳисобидаги дурангга имзо чекди.
"Қалдирғочлар" томонидан киритилган ягона голга жамоа ҳужумчиси Анваржон Солиев муаллифлик қилди. Солиев Акмал Шораҳмедов томонидан ўнг қанотдан ошириб берилган тўпни дарвозага жойлаб қўйди.
БУНЁДКОР — АЛ-ИТТИҲОД 1:1
Гол: Анвар Солиев
«Бунёдкор»: Виктор Мочалов, Хайрулла Каримов, Славолюб Жоржевич, Анвар Ғофуров, Акмал Шораҳмедов, Виктор Карпенко, Эмил Кенжисариев, Ян Козак, Лутфулла Тўраев, Анвар Ражабов, Анваржон Солиев.
Захирадан майдонга тушганлар: Руслан Мельзиддинов, Камолиддин Мурзоев, Баҳодир Пардаев, Алибобо Раҳматуллаев.
27 февраль куни "Бунёдкор" навбатдаги ўртоқлик учрашувини ўтказишни режалаштирган. Ҳозирча рақибнинг қайси жамоа эканлиги аниқмас. Ўша учрашувни ўтказиб бўлгач, жамоа Тошкентга қайтиб келади.
