«Аталанта» бош мураббийи Жан Пьеро Гасперини А Серия навбатдаги туридан ўрин олган «Милан» билан ўйин (2:3) ҳақида гапирди.
«30-сонияда ва танаффус олдидан ўтказиб юборилган голлар, шубҳасиз, биз учун зарба бўлди. Зеро, бу голлар орасида ҳисобни тенглаштириш учун имкониятларимиз бор эди.
Ишончимиз сўнди, лекин шуни ҳам таъкидлаш жоизки, «Милан» ажойиб формада, улар ҳамма нарсани тўғри қилишди ва бугун мени чиндан ҳам ҳайратда қолдирди.
Пессинани жароҳати туфайли бой берганимиз ҳам омадсиз келди. Гарчи кўп имкониятлар яратган бўлсакда, уларнинг аксарияти бесамар кетди», - дейди Гасперини.
