Италия терма жамоаси бош мураббийи Роберто Манчини УЕФА Миллатлар лигаси ярим финалида Испанияга қарши кечадиган ўйин ҳақидаги тахминлари билан ўртоқлашди.
"Бизда ҳужумда муайян муаммолар бор. Чунки жароҳатлар туфайли биз Еврода сафимизда бўлган ҳужумчиларни йўқотдик. Бизда Распадори ва Кин каби икки ёш ҳужумчимиз бор. Биз уларнинг энг яхши томонларидан фойдаланишга ҳаракат қиламиз. Биз ғалаба қозона оламиз. Испания Евро-2020да бизга қарши энг яхши ўйинини ўтказди. Улар бизга тўпни бошқаришда жуда кўп муаммоларни туғдиришди, лекин якунда биз муваффақият қозондик. Биз бугун ҳам юқори савияда ўйнашимиз керак", - деди Манчини УЕФА расмий сайтига.